(( مسرح ... طعونك))..

..[[ مسـْـرَح .. طٌعـُـونْك ]]..



ياقاسيه .. كل الحشـا [ مسـرح طعونـك ] .. والألـم
إنك رغم كل الطعون .. اتطيـب لـك كـل الطعـون ..!

مافيه ضلع ٍ من رماحك .. في حشـا جوفـي .. سلـم
حملـك ثقيـل ومابقابـي .. للحـمـل .. والله مـتـون

متحامل ٍ .. كَنْـك الـورق .. وآنـا مثـل هامـة قلـم
وإن طحت .. من يكتب شقاي ؟ .. ومن بعَدْها ويش أكون

لولا الحروف اللـي كتبنـي نزفهـا .. لـأصبِـح عـدم
انا احمِد اللي ساق لـي حبـر المشاعـر .. والسكـون

أسهر علـى جـرّ اللحـون .. اللـي تدوّزنـي .. نغـم
ماأجمل من طعونك .. صراحه .. غير ترديد اللحـون ..!

وانتي .. مثل ماانتي .. واعَرفِـك .. مايأنبـك النـدم ..!
وتجين فـي ليلـة بكـاي .. وترتـوي كـل الغصـون

آنا الحبيب اللـي وفـا لحبـه .. بـلا وعـد .. وقسـم
وانا الغريـب المنتظـر .. رجعـة حبايبـه .. بـجنـون

تايـه .. وعمـري للضيـاع المنتهـي .. ياكـم رسـم
درب اللقا ./. لكن حسافه .. مااستدلّتـه .. العيـون ..!

خوفي أموت امـن الجفـا .. وانتـي بعيـده ./. والألـم
( لو ماحضرتي للعزا .. وانتي سبب كـل الطعـون ) ..!


للشاعر ...سيف السنا ,,