السلام عليكم ورحمة الله وبركــآآتــه
حيــآآكم الله ..
اسمعوواا رمســه الشوآآب .. يحليلــهـــم ^.^
الشيبــــــــــــــــــــــه:
قلبي شباب ولازم اني اعرّس .. مابا العيوز اللي اتوسّد على الباب
الخير وايد وانا ماني مفلّس .. عندي فلوسٍ تدعم البنك في الحساب
العـــــــــــــــــــــيوز:
ما باقي غير خشمك وهالضرس .. تبغي تعرس وانت غادي شالغراب
قابل صلاتك الله يشفيك م المس .. والاّ ترى باطب ويهك بالتراب
الشيبـــــــــــــــــــه:
إنتي عيوز وأكلج الروب والخس .. اما انا ماكل سوى تكه و كباب
ما فيني سكر غير ضغطي نازل بس .. دام الهوى فيني ترى كل شي طاب
العيــــــــــــــــــوز:
لا بارك الله فيك يا الشيبه يا النحس .. ما تيبك الرمسه ولا ايبك اعتاب
قصرلي صوتك مابا اسمع ولا حس .. عطني طلاقي وانقلع واقبض الباب
الشيبــــــــــــــــه:
دومج نحيسه وذا لسانج يبا قص .. ربي ترى حلل لي اربع بالكتاب
هذا خميس الاعمى ياجم عرس؟ .. مرتاح في الدنيا بلا هم واعصاب
العيــــــــــــــــوز:
بطران وراسك كالصخر يابس وعص .. مالوم طبعك يوم ربعك هالكلاب
غادي شرا الاريل.. ودومك اتحيّس .. استح على ويهك.. أصلع ولعاب
الشيبـــــــــــــــــه:
فكيني من ويهج ترى مالي أي نفس .. زهقان من شوفج وابغي لي أحباب
هذا طلاقج طالقه اربع وخمس .. شلّي طلاقج من ضميري بلا احساب
العيـــــــــــــــــوز:
مشكور يالشيبه ومن دون أي دس! .. عندي حبيب ما ابتعد لحظه وغاب
يشريك ويبيعك تراه ابثمن بخس .. ما تسوى ظفره .. حلوٍ اسمر وجذاب
الشيبــــــــــــــــه:
يالله قبل لا موت منج واغتص .. طلعتي لي قرنٍ وراسي بعد شاب
يا شينه البرقع ترى قدرج اختس .. عيوز ولج في الدنيا خلان واحباب
العيــــــــــــــــوز:
مثلك تراني وهذا لك في العمر درس .. لاني أميز بين شيبه وشباب
والا نسيت اني على الموضه ألبس .. ما علموك اني بلا شيله وحجاب